ஒற்றன்..!

August 2020

கடந்த காலங்களில் ராஜபக்சேவுடன் நெருங்கிய உறவை பேனிய தமிழ் தேசிய மக்கள் முன்னணியின் சவப்பெட்டி அரசியல் ஆரம்பித்துள்ள நிலையில் விரைவில் மக்களால் துரத்தப் படுவார்கள் என எதிர்பார்க்கப்படுகிறது.

தம்மைத்தாமே தேசியவாதிகளாக காட்டிக்கொள்ளும் குறித்த கட்சியின் தலைவர் மற்றும் செயலாளர் ராஜபக்சக்களுடன் பவ்வேறு டீல் அரசியல்களிலும் ஈடுபட்டவர்கள். மஹிந்த ராஜபக்ச ஜனாதிபதியாக முதல் தடவை தெரிவு செய்யப்பட்ட போது நாட்டை விட்டுத் தப்பி ஓடிய அக்கட்சியின் செயலாளர்

ராஜபக்சேவுடன் டீல் அரசியல் பேசி மீண்டும் இலங்கைக்கு வந்தார் .கொழும்பில் கடத்தப்பட்டதாக கூறப்பட்ட தனது தம்பியை மீட்பதற்காக அக்காலப்பகுதியில் பல்வேறு அரச உயர்மட்ட உங்களுடனும் டீல் அரசியல் பேசி தனது தம்பியை வெளிக் கொண்டு வந்தார்.

பல வருடங்களாக சிறையிலுள்ள தமிழ் அரசியல் கைதிகளுக்காக எவ்வித டீல் அரசியலும் பேசாத குறித்த கட்சியினர் தற்போது தமிழ் மக்களுக்காகப் பலவற்றை சாதிக்கப் போகிறோம் எனக்கூறி வாக்குகளைப்பெற்று பாராளுமன்றம் செல்லவுள்ளனர்.

சிறையில் உள்ள தமிழ் அரசியல் கைதிகள் மற்றும் காணாமல் போனவர்களை தமது அரசியல் சுயலாபத்திற்காக பயன்படுத்தி வாக்குகளை பெற்றவர்கள் தனது தம்பியை விடுதலை செய்ய டீல் அரசியல் பேச முடியும் என்றால் தமிழ் அரசியல் கைதிகள் விடுவிப்பு காணாமல் போனவர்களாகக்

கூறப்படுபவர்கள் தொடர்பில் ஏன் டீசல் அரசியல் பேச முடியவில்லை. என்ற கேள்வி எழுகின்றது. இறுதி யுத்த காலப்பகுதியில் மனித உயிரிழப்புகள் ஏற்படுவதற்கு முன்னணியினர் பாராளுமன்றத்தில் காத்திரமான பங்கை வகித்துள்ளனர். தமிழீழ விடுதலைப் புலிகளுக்கும் இலங்கை அரசாங்கத்துக்கும்

இடையிலான பேச்சுவார்த்தை ஒஸ்லோவில் இடம்பெற்ற போது பேச்சுவார்த்தையில் சறுகல் நிலை ஏற்பட்டதால் அதனை சரிசெய்ய முயற்சிக்காத முன்னணியின் பதவி நிலைகளில் இருந்தோர் பாராளுமன்றத்தில் 40,000 சவப்பொட்டிகளைபொறுப்பேற்பதற்கு தயாராகுங்கள் என வீர வசனம் பேசினார்.

இவரது வீரப்பேச்சினால் தமிழ் மக்களுக்கு அழிவுகள் மட்டுமே மிஞ்சியது . அதன்பின் இடம்பெற்ற பாராளுமன்றத் தேர்தல்களில் குறித்த தமிழ் தேசிய மக்கள் முன்னணியினால் பாராளுமன்றக் கனவை எட்டிப் பார்க்க முடியாத அளவுக்கு தமிழ் மக்கள் விரக்தியடைந்து

குறித்த கட்சியை வாக்குகளால் துரத்தி அடித்தார்கள் .இவ்வாறு சுமார் 15 வருடங்கள் கழிந்த நிலையில் இம்முறை 2020 பாராளுமன்ற தேர்தலில் ஒரு ஆசனத்தையும் ஒரு போனஸ் ஆசனத்தையும் பெற்று பாராளுமன்றம். குறித்த கட்சி செல்லவுள்ளது.

இம்முறை தேர்தலில் தமது கட்சி சார்பில் போட்டியிட்டு தேசியப்பட்டியல் ஆசனத்தை பெற உதவிய வேட்பாளரை மணிவண்ணனை கட்சியின் தேசிய அமைப்பாளர் மற்றும் ஊடக பேச்சாளர் பதவிகளில் இருந்து துரத்தியடித்து அதோடு தற்போது கட்சியின் அடிப்படை உறுப்பினர் பதவியில் இருந்து

நீக்குவதாக அறியக் கிடைத்துள்ளது. ஆகவேதான் இம்முறை சவப்பெட்டி அரசியல் வாதிகளின் பாராளுமன்ற பிரவேசம் தமிழ் மக்களுக்கு எவ்வகையிலும் உதவாததோடு அவர்களின் டீல் அரசியல்களுக்காக வெகுவிரைவில் தமிழ் மக்கள் குறித்த கட்சிக்கு தகுந்த பாடம் புகட்டுவார்கள்.

Radio